Bakıda yol hərəkəti qaydasını pozan sürücünün videosu kameraya düşüb. Avtosfer.az xəbər verir ki, videogörüntü sentyabrın 7-də, paytaxtın İnşaatçılar prospektində qeydə alınıb. Belə ki, 10-NR-010 qeydiyyat nişanlı “Gelandewagen”nin sürücüsü sözügedən prospektdə qaydaları pozaraq qoşa xəttin üzərindən geriyə dönmə manevri həyata keçirib.
Qeyd edək ki, sürücünün qaydanı pozduğu yerdən 30 metr qarşıda yolayrıcı var və həmin yolayrıcından geriyə dönmə üçün yer təşkil edilib. Lakin sürücü bahalı maşını və bahalı nömrəsi ilə hamıdan fərqlənməyə çalışaraq qaydaları pozub.
