“Azərsığorta” şirkətinə idarə heyətinin sədrinə müşavir təyin edilib. Tia.az-ın sığorta bazarında əldə etdiyi məlumata görə, Vüqar Babakişiyev mart ayından etibarən idarə heyətinin sədri Məmməd Məmmədovun müşaviri kimi vəzifəsinin icrasına başlayıb.
Qeyd edək ki, V.Babakişiyev 2001-ci ildən “Azərsığorta” şirkətinin sədrinin müşaviri vəzifəsində işləməyə başlayıb. Daha sonra şirkətin Beynəlxalq Əlaqələr və Təkrarsığorta Departamentinin direktoru təyin edilib. 2017-ci ilin əvvəlinə qədər “Azərsığorta”nın idarə heyətinin üzvü olub. 2017-ci ilin yanvar ayında “Günay Sığorta”nın idarə heyətinin sədri təyin edilib. Ötən ilin sonundan isə həmin sığorta şirkətindən ayrılmışdı.
