“Terminator”, “The Expendables”, “Batman and Robin” və “Komando” kimi filmləri ilə tanınan Arnold Schwarzenegger üç açıq ürək əməliyyatından sonra kardiostimulyator quraşdırıb. Məşhur aktyor pərəstişkarlarına səhhətindən xəbər verib.
Tribunainfo.az NTV-yə istinadən xəbər verir ki, “Terminator” serialı ilə adını Hollivudun ən yaxşı aktyorları sırasına daxil edən və anadangəlmə ürək qüsuru olan Arnold Şvartsenegger , bundan əvvəl keçirdiyi 3 açıq ürək əməliyyatından sonra ona kardiostimulyator taxıldığını açıqlayıb.
“Arnold’s Pump Club” podkastında səhhətinin vəziyyəti ilə bağlı məlumat verən 76 yaşlı usta, “Bir az daha çox maşına çevrilmək üçün əməliyyat olundum. İndi kardiostimulyatorum var” dedi.
