ABŞ Müdafiə Nazirliyi (Pentaqon) İsrail və HƏMAS arasında atəşkəsin HƏMAS-ın “yenidən güc toplamasına” gətirib çıxaracağına dair narahatlıqlar səbəbilə dəstəkləmədiklərini açıqlayıb.
Tribunainfo.az CNN-ə istinadən xəbər verir ki, Pentaqonun sözçüsü general Pat Rayder mətbuat konfransında jurnalistlərin suallarını cavablandırıb.
İsrail-Fələstin münaqişəsi ilə bağlı Ryder, “Həmas-a yenidən qruplaşmaq və İsrail vətəndaşlarını və başqalarını təhlükəyə atmaq üçün vaxt verəcək atəşkəsi dəstəkləmirik” deyib.
Ağ Evin Milli Təhlükəsizlik müşaviri Jake Sullivan da İsrail-Fələstin münaqişəsində humanitar fasilə ilə bağlı “Münaqişədə istənilən fasilə Həmas-ın xeyrinə olacaq. Bu bir həqiqətdir” deyib.
