Səbəbini müəyyən etmək mümkün olmayan xəstəlikdən Keniyada 9 nəfərin öldüyü bildirilib.
Tribunainfo.az NTV-yə istinadən xəbər verir ki, ölkənin şimalındakı Marsabit bölgəsində baş verən epidemiya çox sayda insana bulaşıb.
Səbəbi hələ müəyyən edilməmiş epidemiyada 3-ü körpə olmaqla 9 nəfər ölüb, 80-dən çox insan isə xəstələnib.
İlk təsbitlərə görə, epidemiyanın ağır malyariya ola biləcəyi təxmin edilir.
Epidemiyadan əziyyət çəkən insanlarda şiddətli baş ağrısı, gözlərin saralması və qrip əlamətləri müşahidə olunub.
