Tanınmış memar Elçin Əliyev şəhərdə mədəniyyət abidələrinin bərpası üçün aparılan işləri tənqid edib.
Tribunainfo.az yazır ki, şəhərin mərkəzində “Qara Qarayev”in xatirəsinə ucaldılan heykəlin cilalanmasını memar dəlilik adlandırıb.
Sitat: “Nə baş verir?! Tamamilə dəlisiniz? Heykəli necə cilalamaq olar?!”.
Xatırladaq ki, Mədəniyyət Nazirliyindən bildirilib ki, nazirlik tərəfindən bu prosesə mütəxəssislər cəlb olunub.
“İşin icrası özəl bərpa şirkəti və Bakı Şəhər İcra Hakimiyyəti ilə birgə həyata keçirilir. Ekspertlər Sənətşünaslıq üzrə fəlsəfə doktoru, heykəltəraş-bərpaçı Fərman Qasımov, heykəltəraş Orxan Nəbizadə prosesi nəzarətdə saxlayırlar”.
Bildirilib ki, qırmızı qranitdən işlənmiş Qara Qarayev abidəsinin heykəl və plint hissəsində sınmış və təbii təsirlərə məruz qalaraq keyfiyyətini itirmiş detalların dəyişdirilməsi və restavrasiya edilməsi işləri icra edilir. Yenilənmiş hissələrin mövcud hissələrlə eynilik təşkil etməsi üçün müəyyən yumşaq üsullu cilalama işləri icra edilir. Narahatlığa heç bir əsas yoxdur”, – cavabda vurğulanır.
Nigar
