Bu yaşayış binasına bənzər bina, əslində, 5 nəfər üçündür.
Milli.Az Mirror-a istinadla xəbər verir ki, Mumbeydə yerləşən bina formasındakı evin qiyməti 1 milyard 300 milyon dollardır.
Dünyanın ən bahalı və böyük evi hesab olunan binada 3 helikopter meydançası, kinoteatr, bir neçə hovuz var.
Ev Hindistanın varlı və nüfuzlu şəxslərindən olan Mukeş Ambaniyə məxsusdur. O, 27 mərtəbəli binada xanımı və 3 uşağı ilə birlikdə yaşayır.
61 yaşlı Mukeş Hindistanın nəhəng şirkətlərindən olan “Reliance Industries”in sahibidir. Onun adı “Forbes”jurnalının 2017-ci il üçün “dünyanın ən varlı şəxsləri” siyahısında yer alıb.
Mukeş yaşadığı evin adını Antiliya qoyub. Ev 2010-cu ildə tikilib.
