Türkiyənin xarici işlər naziri Mövlud Çavuşoğlu Moskvada Rusiya, İran və Suriya xarici işlər nazirləri ilə görüş çərçivəsində Sergey Lavrovla ikitərəfli görüş keçirdiyini və Cənubi Qafqazdakı vəziyyəti müzakirə etdiyini bildirib.
Tribunainfo.az-ın xəbərinə görə, Antalya hava limanında mətbuata açıqlama verən Çavuşoğlu “Görüşümüz zamanı Qafqazda baş verən hadisələri, xüsusilə Azərbaycan-Ermənistan, Ermənistan-Türkiyədəki son hadisələri müzakirə etdik” deyib.
Onun sözlərinə görə, Suriya, Ukraynadakı vəziyyət və taxıl sövdələşməsi də ikitərəfli görüşün gündəliyində olub. “Biz həmçinin Azərbaycan-İran münasibətlərini, İran və Səudiyyə Ərəbistanı arasında nizamlanmanı müzakirə etdik. Bugünkü görüşdə biz ABŞ-Aİ-İran nüvə razılaşması ilə bağlı son hadisələri də müzakirə etdik”, – Türkiyənin xarici işlər naziri yekunlaşdırıb.
