ABŞ və İran müharibə astanasında… “Hərbçilərin ölümü Amerikaya ona görə sərf edir ki…” – Şərhbackend

ABŞ və İran müharibə astanasında… “Hərbçilərin ölümü Amerikaya ona görə sərf edir ki…” – Şərh

  • whatsapp
  • messenger
  • telegram
  • vkontakte
  • odnoklassniki

İranın İordaniyada ABŞ hərbi bazasına hərbçilərin ölümü ilə nəticələnən hücumunda müəmmalar var. Hücumun arxasında siyasi planların dayandığına dair ehtimalları önə çıxaran faktlar da mövcuddur. Amerikalı hərbçilərin ölümünün Vaşinqton üçün sərfəli tərəfləri həm də odur ki, Amerika bununla ordusunun Yaxın Şərqdə mövcudluğunu əsaslandırır.

Tribunainfo.az xəbər verir ki, bu fikirlərlə çıxış edən siyasi şərhçi Asif Nərimanlının fikrincə, son bir neçə ayda yüzlərlə hücumdan zərər görməyən amerikalı hərbçilərin dron hücumu ilə ölməsi və yaralanması şübhələrə yol açır:

Burada əsas məqamlardan biri də amerilakı hərbçilərin ölümünün ABŞ ordusunun Yaxın Şərqdən tədricən çəkilməsi məsələsinin gündəmdə olduğu vaxt baş verməsidir. Vaşinqton İraqdakı hərbçilərin sayının azaldılması və tədricən çıxarmağı Bağdadla müzakirə edir. ABŞ mediası (“Politico”, “Foreign Policy”) Baydenin qüvvələri Suriyadan da çıxarmaq istəyindən yazır.


Və bu informasiyalar fonunda amerikalı hərbçilərin ölümü ilə nəticələnən, ümumiyyətlə son aylar İrandan qaynaqlanan yüzlərlə hücum ABŞ ordusunun bölgədə missiyasının əhəmiyyətini önə çıxarmış oldu. Amerikalı hərbçilərin ölümündən sonra Vaşinqtonun siyasi gündəmində “qisas” çağırışlarının alovlanması daxili ictimai rəyi də Yaxın Şərqdə mövcudluğun vacibliyinə yönəldir. Beləliklə, Bayden Administrasiyası həm Texas gündəmini dəyişir, həm “Yaxın Şərqdə hərbi missiyanın” vacibliyini region ölkələrinə və Amerika cəmiyyətinə nümayiş etdirir.

Və bu prosesdə Vaşinqtona yaxından “dəstək” verən ölkənin İran olduğu görünür. İraqa, Suriyaya, Pakistana hücumun ardınca İordaniyaya da edilən hücumda İranın hədəfi “müqavimət oxu”nu gücləndirmək, “qisas” planlarını icra etməkdir, eyni zamanda, bununla amerikalılara “əlcək atır”. Bu baxımdan, ABŞ-ın İrana müdaxilə etməyəcəyi ehtimalı, edəcəyi ehtimalından çox yüksəkdir. Lakin ABŞ və İranın Yaxın Şərqdə eskalasiyanı artıracaq addımları qarşılıqlı şəkildə atmağa davam edəcəyi gözləntisi var”.