Ermənilər ABŞ-da Azərbaycan səfirliyinin qarşısında təxribata əl atıblar.
Tribunainfo.az xəbər verir ki, bu barədə Azərbaycanın ABŞ-dakı səfiri Xəzər İbrahim tvitterdə yazıb.
“Ermənilər məhz bu gün Vaşinqtondakı səfirliyimizin qarşısında Xocalı soyqırımı zamanı müdafiəsiz azərbaycanlı uşaq, qadın və qocaların vəhşicəsinə öldürülməsini mahnılarla alqışlayırlar. Bu necə bir zehniyyətdir?!”, – diplomat qeyd edib.
Qeyd edək ki, Xocalı soyqırımının 31-ci ildönümündə Azərbaycanın ABŞ-dakı səfirliyinin inzibati binası qarşısında Xocalıda lentə alınmış fotolar və faciə haqqında faktların yer aldığı plakatlar nümayiş etdirilib.
