Bu gün Bakı Ağır Cinayətlər Məhkəməsində mənimsəmədə təqsirləndirilən Dövlət Avtomobil Nəqliyyatı Xidmətinin sabiq nəzarətçisi Rövşən Əhmədovun cinayət işi üzrə məhkəmə prosesi davam etdirilib.
Bu gün Bakı Ağır Cinayətlər Məhkəməsində mənimsəmədə təqsirləndirilən Dövlət Avtomobil Nəqliyyatı Xidmətinin sabiq nəzarətçisi Rövşən Əhmədovun cinayət işi üzrə məhkəmə prosesi davam etdirilib.
TİA.AZ xəbər verir ki, hakim Əfqan Hacıyevin sədrliyi ilə keçirilən prosesdə zərərçəkən Çingiz Baxşıyevin kürəkəni mübariz Ələkbərov ifadə verib. O bildirib ki, ələ keçirilən bir “banka” qızıllın arasında onun da payı olub: “Mənim 50 ədəd onluq, 10 ədəd isə beşlik qızıllar orda idi. Mən onlara saxlaması üçün qayınatama vermişdik, o da Rövşənə verib.
R.Əhmədov həyat yoldaşı Xanım Əhmədova şahis qismində ifadə verərək deyib ki, qızının toyundan öncə qızılları Ç.Baxşıyevə qaytarıblar: “Əvvəlcə qızılları mənim götürdüyümü dedilər. Çingiz bizi hədələyib deyirdi ki, “oğlunuzu ön cəbhəyə göndərtdirəcəyəm”. Çingiz narkotik alveri ilə məşğul olurdu. Rövşənə deyirdi Qırğızıstandan ət gətirib satacaq. Ət alveri ilə bu qədər pul qazanmaq olar? Çingiz Baxşıyev Akif Çovdarova da xeyli pul vermişdi, bunu da Rövşən mənə demişdi”.
R.Əhmədov həyat yoldaşının dediklərini təsdiqləyib: “Bir dəfə gecə Çingiz zəng edib pul istədi. Dedim bu vaxt necə gətirim, cavab verdi ki, elə bil yanıram, tez gətir. Pul Akif Çovdarova verilməli idi, mən 2 milyona yaxın pulu qara bir çamadana yığın Çingizin kürəkəni Mübarizə verdim”.
Məhkəmə prosesi martın 15-də davam etdiriləcək.
Qeyd edək ki, R. Əhmədov nəqliyyat naziri Ziya Məmmədovun sabiq müşaviri Çingiz Baxşıyevin qohumudur. O, Çingiz Baxşıyevdən və onun qızları Fatimə İbrahimova ilə Sevil Baxşiyevadan, ümumilikdə 800 min manat məbləğində qızıl və nağd pul alaraq qaytarmayıb.
Qeyd edək ki, Çingiz Baxşiyev Nəqliyyat nazirinin sabiq müşaviri olub. Bundan əvvəl isə Dövlət Avtomobil Nəqliyyatı Xidmətinin rəisi vəzifəsində işləyib.
***
Fasilədən sonra ittiham aktının Natəvan Mirvətova, Anar Şirəliyev, Eşqin Əliyev və Elşad Əzizovla bağlı hissəsi elan edilib. Onlar özlərini təqsirli bilmədiklərini deyiblər.
Məhkəmə prosesi martın 14-də davam etdiriləcək
