Türkiyədə baş verən zəlzələ təsirləri illərlə davam edəcək bir fəlakətdir. Ciddi beynəlxalq yardımlara ehtiyac var.
Tribunainfo.az-ın məlumatına görə, bu barədə danışan politoloq Şahin Cəfərli bildirib ki, bu dəfə dağıntıların miqyası həddən artıq böyükdür. Onun sözlərinə görə, bu problemin altından tək çıxmaq mümkün deyil:
“Təsirləri illərlə davam edəcək bir fəlakətdir. Ciddi beynəlxalq yardımlara ehtiyac var. Təkcə humanitar məqsədlər üçün deyil, həm bərpa işləri, həm də ümumilikdə ölkədə köklü iqtisadi- institusional islahatlar üçün böyük həcmdə uzunmüddətli maliyyələşmə tələb olunur”.