Ukrayna Prezidenti Volodimir Zelenski, ABŞ-ın paytaxtı Vaşinqtonda keçirilən Ukrayna Evi adlı görüşdən kadrlar yayımlayıb.
Tribunainfo.az xəbər verir ki, o, sosial mediada paylaşdığı mesajında Ukraynanın beynəlxalq səhnədəki əhəmiyyətini vurğulayıb və bildirib: “Bizim üçün çox vacibdir ki, Ukrayna səsi eşidilsin və heç kəs onu nə müharibə zamanı, nə də müharibədən sonra unutmasın”. Zelenski bu görüşün Ukraynanın mövcud vəziyyətinə dünya ictimaiyyətinin diqqətini çəkmək və ölkənin gələcəkdə dəstəklənməsini təmin etmək məqsədi güddüyünü qeyd edib.
Prezident həmçinin Ukraynanın müharibə sonrası bərpa olunması və davamlı təhlükəsizlik təminatı mövzularında müzakirələrin vacibliyini vurğulayıb.
