Rusiya Xarici İşlər Nazirliyi Vaşinqtonda davam edən Azərbaycan-Ermənistan danışıqlarını şərh edib.
Tribunainfo.az Hraparak nəşrinə istinadən xəbər verir ki, Rusiya Xarici İşlər Nazirliyinin rəsmi nümayəndəsi Mariya Zaxarova deyib: “Sizin qeyd etdiyiniz danışıqlar Rusiyanın iştirakı ilə deyil, digər ölkələrin iştirakı ilə gedir, ona görə də digər dövlətlər orada gedən proseslərdə maraqlı olmalıdırlar”.
Onun sözlərinə görə, danışıqların nəticələrindən sonra müvafiq bəyanatlar verildikdə tərəflər danışacaq, “müəyyən təəssürat yaratmaq” mümkün olacaq.
“Bəlkə bu, bizə şərh vermək hüququnu tələb edəcək. Amma bu, sonra baş verəcək”, – Zaxarova bildirib.
