“Turan Tovuz” klubunda yeni məşqçi təyinatı reallaşıb.
Məlumatı qərb təmsilçisinin mətbuat xidməti yayıb.
Cavid Hüseynovun “Səbail”ə gedişindən sonra vakant olan köməkçi-məşqçi vəzifəsinə PRO kateqoriyalı mütəxəssis Yunis Hüseynov təyin olunub. O, Andrey Matyura ilə birlikdə baş məşqçi Kurban Berdıyevin köməkçisi vəzifəsini icra edəcək.
Məşqçilik karyerasında “Karvan”, “Xəzər Lənkəran”, “Kəpəz”, “Keşlə” klublarına rəhbərlik etmiş Yunis Hüseynovla 2024/2025-ci illər mövsümünün sonunadək müqavilə bağlanıb.
