Meymun çiçəyi xəstəliyinə görə hər kəsin Covid 19 kimi pandemiyadan qorxduğunu ifadə edən Medical Park Karadeniz Xəstəxanasının Sinə Xəstəlikləri Mütəxəssisi Prof. Dr. Tevfik Özlü, “Covid 19 kimi xaotik bir pandemiya gözləmirəm. Lakin epidemiyanın müşahidə olunduğu ölkələrdən Türkiyəyə gedib-gələn xəstələr varsa, onları sıralamaq, tanımaq və təcrid etmək vacibdir”, – deyib.
Tribunainfo.az Milliyet-ə istinadən xəbər verir ki, mövzuya münasibət bildirən Prof. Dr. Tevfik Özlü xatırladıb ki, Ümumdünya Səhiyyə Təşkilatı meymun çiçəyi xəstəliyi üçün fövqəladə vəziyyət elan edib.
Dünyanın əslində bu xəstəliyə son zamanlarda rast gəlmədiyinə diqqət çəkən Özlü, “Bu virusun 1970-ci ildən bəri insanlarda xəstəliyə səbəb olduğunu bilirik. Amma biz bu xəstəliyi daha çox Afrika bölgəsində görürük. Mərkəzi Afrika və Qərbi Afrikada iki fərqli variant məlum idi. Əslində, Konqoda daha çox ölüm görülür və orada daha çox ölüm var. Bu, ümumiyyətlə yüngül keçən və müalicə ilə sağalan xəstəlikdir. Amma son bir neçə ildə biz bu halları Afrikadan kənarda görməyə başladıq. Avropa İttifaqında və digər ölkələrdə də görünməyə başlayıb. Düşünürəm ki, indi biz bu xəstəliyin 75-dən çox ölkədə mövcud olduğunu bilirik. Belə bir vəziyyət yarandıqda Ümumdünya Səhiyyə Təşkilatı fövqəladə vəziyyət elan etdi. Afrikadan kənar ölkələr indi bu xəstəliyi məhdudlaşdırmaq üçün tədbirlər görməlidirlər”, deyib.
