Yelo Bank” bu ilin 9 ayını 35 milyon 63 min manat xalis mənfəətlə başa vurub. Valyuta.az bu barədə bankın hesabatına istinadən xəbər verir ki, bu, 2023-cü ilin eyni dövrü ilə müqayisədə 2,5 dəfə çoxdur.
Bu ilin hesabat dövründə “Yelo Bank”ın faiz gəlirlərinin həcmi 112 milyon 856 min manat olub ki, bu da 2023-cü ilin eyni dövrü ilə müqayisədə 39,4 % və ya 31 milyon 887 min manat çoxdur. Bankın qeyri-faiz gəlirlərinin həcmi 24 milyon 395 min manat olub ki, bu da 2023-cü ilin eyni dövrü ilə müqayisədə 3,4 dəfə çoxdur.
“Yelo Bank”ın faiz xərclərinin həcmi 39 milyon 283 min manat olub ki, bu da 2023-cü ilin eyni dövrü ilə müqayisədə 26,8 % və ya 8 milyon 323 min manat çoxdur. Bankın qeyri-faiz xərclərinin həcmi 64 milyon 628 min manat olub ki, bu da 2023-cü ilin eyni dövrü ilə müqayisədə 23,1 % və ya 12 milyon 148 min manat çoxdur.
“Yelo Bank”ın bu ilin hesabat dövründə aktivlərinin həcmi ötən ilin sonu ilə müqayisədə 24,8 % və ya 388 milyon 722 min manat azalaraq 1 milyard 177 milyon 730 min manata enib.
2023-cü ilin sonunda bankın aktivlərinin həcmi 1 milyard 566 milyon 452 min manat olub.
Bu ilin 9 ayında “Yelo Bank”ın öhdəliklərinin həcmi 2023-cü ilin sonu ilə müqayisədə 28,9 % və ya 424 milyon 642 min manat azalaraq 1 milyard 42 milyon 742 min manata çatıb.
