Yay ayları tətil planları da gündəmə gəlir. Ancaq rahat bir istirahət üçün düzgün planlama və hazırlıq vacibdir.
Tribunainfo.az Pravda.az-a istinadən yay tətilinə çıxacaq olanlar üçün bəzi məsləhətləri təqdim edir:
Erkən planlayın, stressdən uzaq qalın: İstirahətinizi necə keçirmək istədiyinizi əvvəlcədən müəyyən edin – dəniz kənarında sakitlik, yoxsa aktiv gəzinti? Sonra məkan, tarix və planlara uyğun detalları qeydə alın.
Çantanızı yüngül tutun: Geyim və aksessuar seçimində ehtiyacdan artığını götürməkdən çəkinin. Əsas əşyaları – dərman, pul, sənəd əl çantanızda saxlayın.
İnternetə fasilə verin: Hər anı paylaşmaq istəyi sizi real istirahətdən uzaq sala bilər. Mənzərədən və sakitlikdən zövq alın.
Atışdırmalıq götürün: Xüsusilə tanımadığınız şəhərlərdə qəfil aclıq və ya halsızlıq üçün çantanızda qidalar olsun.
Telefonun yaddaşını boşaldın: Gözəl kadrları itirməmək üçün şəkillərinizi əvvəlcədən başqa yerə köçürün.
Portativ şarj cihazı unutmayın: Xüsusilə hava limanlarında enerji problemi yaşamamaq üçün ehtiyat şarj cihazı kömək ola bilər.
Səfər üçün musiqi və film siyahısı hazırlayın: Uzun yollar üçün əyləncəli məzmun yorğunluğu azalda bilər.
Erkən yola çıxın: Trafik, hava şəraiti və digər amilləri nəzərə alaraq gecikməmək üçün vaxtında yola düşmək tövsiyə olunur.
Siyahı tərtib edin: Yığılası əşyaların siyahısı həm işinizi asanlaşdırar, həm də unudulan əşyaların qarşısını alar.
Yeni təcrübələrə açıq olun: Tətil zamanı fərqli fəaliyyətlər – paraşüt, dalğıclıq və s. sizə unudulmaz anlar yaşada bilər.
Qaldığınız yerin imkanlarını yoxlayın: Otel və ya ev kirayələyərkən təqdim olunan şəraitə diqqət yetirin.
Sosial medianı istifadə edin: Getməyi planlaşdırdığınız məkanla bağlı daha real təəssüratlar üçün sosial platformalardakı paylaşımları izləyin.
Rahat ayaqqabı geyinin: Uzun gəzintilər üçün rahatlıq vacibdir. Əsas seçim gündəlik istifadəyə uyğun idman ayaqqabısı olmalıdır.
Bu sadə, lakin təsirli məsləhətlərlə yay tətilləri daha stressiz və unudulmaz ola bilər.
