Samux rayon sakini 1994-cü il təvəllüdlü Allahverdiyev Ceyhun Zaməddin oğlu Qarabağlar kəndi ərazisindəki su kanalında batıb.
TİA.AZ FHN-ə istinadən xəbər verir ki, nazirliyin Kiçik Həcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupunun axtarışları nəticəsində onun cəsədi tapılıb.
Şəmkirdə Düz Cırdaxan kəndi ərazisindəki süni göldə isə 2000-ci il təvəllüdlü Süleymanov Kamil Məmməd oğlu boğulub.
Hər iki şəxsin meyiti sudan çıxarılaraq aidiyyatı üzrə təhvil verilib.
