Yaponiyanın qərbindəki İşikava prefekturasında 6 bal gücündə zəlzələ baş verib.
Tribunainfo.az TRT Haber-ə istinadən xəbər verir ki, Noto yarımadasında yerləşən Vacima şəhərində 5 bina uçub.
Bölgədəki atom elektrik stansiyalarında hər hansı anormallıq aşkar edilməyib.
Yaponiya Meteorologiya Agentliyin (JMA) bəyanatına görə, İşikavanın Noto yarımadasının şimal-şərq sahilində, Suzu şəhərində 6 bal gücündə zəlzələ baş verib.
Agentlik ilk mərhələdə elan etdiyi 5,9 ballıq dəyərini 6-ya yeniləyib.
Yerli vaxtla saat 06.31-də 10 kilometr dərinlikdə qeydə alınan zəlzələdən sonra sunami xəbərdarlığı edilməyib.
