Bu gün Tikintidə Təhlükəsizliyə Nəzarət Dövlət Agentliyində Bakının 1- ci mikrorayon ərazisində olan “xruşşovka”ların sökülməsi ilə bağlı brifinq keçirilir.
Bu gün Tikintidə Təhlükəsizliyə Nəzarət Dövlət Agentliyində Bakının 1- ci mikrorayon ərazisində olan “xruşşovka”ların sökülməsi ilə bağlı brifinq keçirilir.
TİA.AZ “Qafqazinfo”-ya istinadən xəbər verir ki, brifinqdə çıxış edən Agentliyin rəisi müavini Elxan Əsədov bildirib ki,1-ci mikrorayon ərazisində olan “xruşşovka”lar əvvəlcə sökülməlidir ki, sahə boşalsın:
“Bunun üçün sakinlər yeni evlərə köçürülənə qədər kirayə evlərdə məskunlaşacaq və onlara bunun üçün kompensasiya veriləcək. Tikiləcək mənzillərin sahəsi ən azı 10 faiz artıq olmalıdır. Kommersiya tipli yaşayış sahələrinin də kirayə haqqı qarşılanacaq. İstəsələr, birdəfəlik satıb yaşayış sahəsinə iddiaçı da olmaya bilərlər. Bunlar müqavilələrdə əks olunacaq. Həmin rayonda 2 uşaq bağçası, 1 məktəb, uşaq yaradıcılıq mərkəzi kimi sosial obyektlər var. Həmin obyektlər FHN-lə birgə digər aidiyyatı qurumlarla müşahidələr aparılacaq. Lazım gələrsə rekonstruksiya olunacaq. Yox, mümkün olmasa sökülüb yerində yenisi tikiləcək. İlk növbədə şəhərsalma planı hazırlanmalı və maliyyə imkanları tapılmalıdır. Sonra layihələndirmə işləri başlanılacaq. Ərazi boşaldıqdan sonra isə layihələr tenderə çıxarılacaq. Son olaraq isə məskunlaşma mərhələsi olacaq. Ərazi 29 hektardan ibarətdir. İlkin araşdırmaya görə 1729 ailə köçürüləcək. Yeni tikiləcək binaların sayı 30-u keçməyəcək”.
