Xocalıda 50 hektar ərazini yandıran 17 yaşlı gənc məsuliyyətə cəlb edilib.
Tribunainfo.az xəbər verir ki, bu barədə məlumatı DİN rəsmisi Elşad Hacıyev paylaşıb. O bildirib ki, gənc Xocalıda ehtiyatsızlıqla 50 hektara yaxın ərazini yandırıb:
“Badara çayı sahilində ocaq qalayan şəxs – 2008-ci il təvəllüdlü Maarif Mirzəyev məsuliyyətə cəlb olunub. Yanğın nəticəsində biçilmiş əkin sahəsi və bitki örtüyü külə dönüb”.
DİN rəsmisi bildirib ki, FHN və DİN xəbərdarlıq edir:
Açıq ərazidə ocaq qalamaq, tüstü mənbəyi yaratmaq ciddi təhlükə və məsuliyyət yaradır.
Gülşən Rəsul
