“SOCAR-ın “Azneft” İstehsalat Birliyi N.Nərimanov adına Neft-Qaz Çıxarma İdarəsinin 3 saylı Neft Yığım Məntəqəsinin sağ və sol hissəsində yerləşən estakadanın uçması nəticəsində itkin düşən neftçilərin “istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta”sı “PAŞA Həyat Sığorta” şirkfəti tərəfindən həyata keçirilib.
“SOCAR-ın “Azneft” İstehsalat Birliyi N.Nərimanov adına Neft-Qaz Çıxarma İdarəsinin 3 saylı Neft Yığım Məntəqəsinin sağ və sol hissəsində yerləşən estakadanın uçması nəticəsində itkin düşən neftçilərin “istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta”sı “PAŞA Həyat Sığorta” şirkfəti tərəfindən həyata keçirilib.
TİA.AZ xəbər verir ki, bu barədə salamnews-un sorğusuna cavab olaraq “PAŞA Həyat”ın mətbuat katibi Elnur Hüseynquluyev məlumat verib.
Onun sözlərinə görə, baş vermiş hadisə ilə bağlı “Azneft” İB tərəfindən “PAŞA Həyat” şirkətinə rəsmi müraciət daxil olmayıb, yalnız şifahi məlumat verilib: “Yəqin ki, yaxın saatlarda rəsmi müraciət ediləcək. Hazırda şirkətdə yaradılmış xüsusi qrup tərəfindən qəzada həlak olan neftçilərin siyahısı və onların ailə tərkibləri dəqiqləşdirilir. Ödənişlərin verilməsində heç bir problem olmayacaq. Ödənişlər qanunvericiliyə müvafiq qaydada tam vaxtında veriləcək. Müvafiq qurumlar tərəfindən lazımı sənədlər təqdim edildikdən sonra onların ailələrinə sığorta ödənişləri ediləcək. Proses nəzarətimizdədir. İtkin düşən neftçilərimizin ailələrinə səbr diləyirik” – deyə E.Hüseynquluyev bildirib.
Qeyd edək ki, ötən gün baş vermiş məlum hadisə nəticəsində 10 nəfər neftçi itkin düşüb. Onlarının birinin cəsədi dənizdən tapılaraq aidiyyatı quruma verilib.
1. Zülfüqarov Güloglan – maşinist
2. Zülfüqarov Azay – operator
3. Qurbanov Vidadi – operator
4. Həsənov Elçin – mexanik
5. Hacıəliyev Həsənağa – operator
6. Qafarov İlham – operator
7. Əsədov Samir – operator
8. Bəhrəmov Cavid – operator
9. Abbasov Ramiz – maşinist
10. Rüstəmov Qorxmaz – operator
