Keçmiş “Google” icraçısı, süni intellekt eksperti, süni intellektdən sui-istifadə edərək, sintetik virusların istehsal oluna biləcəyini və bunun pandemiyaya başlama potensialına sahib olacağını söylədi.
Tribunainfo.az İndependent-ə istinadən xəbər verir ki, Google DeepMind-in həmtəsisçisi Mustafa Süleyman, patogenləri daha çox zərər vermək üçün, mühəndislik etmək üçün süni intellektdən istifadənin pandemiya kimi bir ssenariyə səbəb ola biləcəyindən narahatlığını ifadə edib.
“Ən qaranlıq ssenari, insanların daha yoluxucu və ya daha ölümcül ola biləcək təsadüfən və ya qəsdən hazırlanmış sintetik patogenlərlə sınaqdan keçirməsidir” deyib.
Süleyman insanların qarayara kimi patogen mikroblara asanlıqla yoluxmasının qarşısını almaq üçün məhdudiyyətlər qoyulduğu kimi, qabaqcıl süni intellekt texnologiyasına və bu cür modelləri işlədən proqram təminatına çıxışı məhdudlaşdırmağa çağırıb.
Süleymanın açıqlamaları son araşdırmada qaldırılan narahatlıqları əks etdirir ki, hətta biologiya ilə bağlı heç bir təhsili olmayan bakalavr tələbələri də süni intellekt sistemlərindən biosilah təkliflərini təfərrüatlandıra biliblər.
Tədqiqatçılar, o cümlədən Massaçusets Texnologiya İnstitutundan olan tədqiqatçılar kəşf etdilər ki, çatbotlar bir saat ərzində “pandemiyaya başlama potensialı olan 4 patogen”i tövsiyə edə və onların sintetik DNT-dən necə istehsal oluna biləcəyini izah edə bilər.
