32 il sonra reysə çıxan Bakı–Ağdam–Bakı qatarının ilk sərnişinlərindən biri də Əməkdar artist Cabir Abdullayev olub.
Tribunainfo.az “Qafqazinfo”ya istinadla xəbər verir ki, xanəndə Bakı-Ağdam qatarında muğam ifa edib.
C.Abdullayev 32 il sonra öz yurduna qatarla gedə bildiyi üçün xoşbəxt olduğunu bildirib: “Çox sevinirəm, çox xoşdur ki, bir qarabağlı, bir ağdamlı kimi 32 ildən sonra qatarla torpağımıza gedirik. Bu gün təsadüfən dostlarımla, cəbhə yoldaşlarımla da rastlaşdıq. Bundan böyük xoşbəxtlik ola bilməz. Ən son 1994-cü ildə Ağdama səfər etmişdim. Döyüşdə iştirak edirdim, Bakıya gedəsi oldum. Hər kəsi təbrik edirəm ki, 32 ildən sonra yenidən qatarla Ağdamımıza gedirik”.
Xatırladaq ki, qatarlar Bakı–Ağdam–Bakı istiqamətində sonuncu dəfə 1993-cü ildə hərəkət edib.
Sənətçinin muğam ifa etdiyi videonu təqdim edirik:
