Amerikalı boşanma üzrə hüquqşünas Ceyms Sekston evliliklərə son qoyan 8 səhvi izah edib.
Tribunainfo.az NTV-yə istinadən xəbər verir ki, müasir dünyada bir çox evliliyin boşanma ilə nəticələndiyini ifadə edən Sexton, “Bunun ən böyük səbəbi cütlüklərin kiçik şeylərlə bir-birini xoşbəxt etməyi dayandırmalarıdır”, – deyib.
Nyu-Yorkun ən uğurlu boşanma hüquqşünaslarından biri olan Ceyms Sexton, “Evləndikdən sonra cütlüklər bir-birlərini əzizləməyi dayandırırlar. Onlar görüşərkən etdikləri kiçik jestlərdən belə bir-birlərindən qaçırlar. Bu, bəzən rahatlıq zonasında hiss etməkdən irəli gəlir, lakin bu, tamamilə yanlış bir perspektivdir. Kiçik xoşbəxtlikdən məhrum olmaq tədricən evliliklərin sonunu gətirir”.
Sexton deyir ki, evliliyi bitirən ikinci amil cinsi əlaqənin azalmasıdır. Mütəxəssis, ”Romantik əlaqəni digər əlaqələrdən fərqləndirən şey cinsi əlaqədir. Yaxınlığa laqeyd yanaşan cütlüyün dostlardan heç bir fərqi yoxdur. Həyat yoldaşınızın otaq yoldaşınıza çevrilməsini istəmirsinizsə, aranızdakı ehtirasları yaşatmağa çalışın”.
Boşanma davalarını öhdəsinə götürdüyü bir çox cütün uşaq yönümlü evliliklərdə olduğunu ifadə edən Sexton, “Uşaqlarınız sonsuza qədər sizinlə yaşamayacaq. Onlar gedəndən sonra sənə nə qalacaq? Siz və həyat yoldaşınız bir-birinizə nə versəniz, qalacaq. İnanın ki, uşaqlarınız da sizin bir-birinizə etinasız yanaşmanızı istəmir. Xoşbəxt valideynlər xoşbəxt uşaqlar deməkdir. Uşaqlarınızın qayğısına qalarkən bir-birinizi sevməyə davam edə bilərsiniz. Bu, göründüyü qədər çətin deyil”, – deyib.
Bu gün inkişaf edən texnologiyalarla sosial media tətbiqlərinə sərf olunan vaxt da artıb. James Sexton, sosial medianın evlilik dinamikasını dərindən sarsıtdığını və mükəmməl görünmək üçün edilən səylərin cütlükləri bir-birindən uzaqlaşdırdığını söylədi.
Evlilikdə kiçik xəyal qırıqlıqlarının yatırılmaması lazım olduğunu bildirən amerikalı vəkil, “Kiçik problemlər böyük uçuruma çevrilə bilər. Zərərli nöqtələrinizi bir-birinizlə paylaşın. Əks halda, əhəmiyyətsiz hesab etdiyiniz problemlər sizi idarəolunmaz bir nöqtəyə gətirə bilər”.
Xəyanətin bir anlıq səhvdən çox yığılma nəticəsində meydana gəldiyini iddia edən Sexton, “Boşanma davalarını idarə etdiyim evliliklərin çoxunda cütlərin qarşılıqlı olaraq bir-birlərinin ehtiyaclarını görməməzlikdən gəldiyini gördüm. Bu, aldatma kimi dönməz səhvlərə yol aça bilər”.
Şəxsiyyət itkisinin də romantik münasibətlərin sonunu gətirdiyini ifadə edən mütəxəssis, “Evlənmədən əvvəl hobbilərinizə vaxt ayırmağa davam edin. Subay günlərinizdə olduğu kimi köhnə dostlarınızla görüşün. Təbii ki, bütün bunları evliliyin məsuliyyətini bilə-bilə edin. Həyatınızı partnyorunuza həsr etməyin, bir-birinizdən ayrı yaşayış yerləri yaradın ki, kim olduğunuzu unutmayasınız”, – deyə təklif edib.
Evlilikdə ciddi problemlər yarandıqda, peşəkar bir terapevtdən kömək almaq əlaqənin daha sağlam olmasına kömək edə bilər. Evlilik terapiyası həyat yoldaşlarına daha effektiv ünsiyyət qurmağa və problemləri həll etməyə imkan verir.
Evlilik iki insanın birlikdə həyat qurmaq səyidir və bu proses həmişə diqqət, fədakarlıq və səy tələb edir. Bu əsas amilləri nəzərə alaraq, cütlüklər daha sağlam və uzunmüddətli evliliyi qoruya bilərlər.
Dəniz
