Britaniyada yayımlanan “Dr Phil” proqramına qatılan 24 yaşlı Lauren Kavanu dəhşətli həyat hekayəsi ilə studiyadakıları və ekran başındakıları ağladıb.
Britaniyada yayımlanan “Dr Phil” proqramına qatılan 24 yaşlı Lauren Kavanu dəhşətli həyat hekayəsi ilə studiyadakıları və ekran başındakıları ağladıb.
O, verilişdə 2 yaşından etibarən valideynləri tərəfindən balaca şkafda saxlanıldığını, cinsi istismar edildiyini söyləyib.
O, 2 yaşından 8 yaşına kimi ac-susuz halda şkafda yaşayıb. Polislər onu xilas edəndə 8 yaşlı uşaq bir dəri-bir sümük qalıbmış.
Valideynləri onun bədənində siqaret söndürüb, işgəncə də veriblər.
Qız başına gələnləri danışarkən kövrəlib.
“Balaca şkafda yaşayırdım. Orada yuyunub, oraya təbii ehtiyaclarımı ödəyirdim. Anam mənimlə cinsi əlaqədə olmaq üçün kişilər tapıb gətirirdi. Məni satırdılar. 2 yaşımdan 8 yaşıma kimi balaca yerdə yaşadım. Sadəcə kimsə gələndə məni şkafdan çıxarıblar. Ayıq olduğum hər saniyə qışqırıb çığır-bağır salırdım. 30 dəfə intihara cəhd etdim”.
Uşağa bu dəhşəti yaşadan valideynlərinə ömürlük həbs cəzası verilib. Onların 2031-ci ilə kimi şərti azadlığa çıxması belə mümkün deyil.
Qeyd edək ki, 2001-ci ildə xilas edilən Lauren Sabrina və Bill cütlüyü tərəfindən övladlığıa götürülüb. Onun hazırda normal həyatı və sevgilisi var.
Verilişin sonunda Lauren aparıcının “valideynlərinə nə demək istəyirsən?” sualına: “Həbsxanada çürüyün, çünki ora əsl elə sizin yerinizdir”, – deyib. (milli.az)
