Rusiya Müdafiə Nazirliyi ötən gecə Ukraynanın Sevastopola raket hücumu etməsi barədə məlumat yayıb.
Tribunainfo.az xəbər verir ki, Ukrayna Silahlı Qüvvələri Serqo Orconikidze adına Sevastopol Dəniz Zavoduna on qanadlı raket atıb və Qara Dəniz Donanmasının gəmilərinə üç pilotsuz katerlə hücum edib.
“Yeddi qanadlı raket hava hücumundan müdafiə sistemləri tərəfindən vurulub və bütün pilotsuz katerlər “Vasili Bıkov” patrul gəmisi tərəfindən məhv edilib”, – Müdafiə Nazirliyinin Telegram kanalında bildirib. Məlumdur ki, Ukrayna qanadlı raketləri təmirdə olan iki Rusiya gəmisini zədələyib.
Hücum nəticəsində Sevastopol Dəniz Zavodunun cənub hissəsində yanğın baş verib, bu haqda şəhər qubernatoru Mixail Razvojayev bildirib.
“Bütün əməliyyat xidmətləri yerində işləyir, şəhərdə mülki obyektlər üçün heç bir təhlükə yoxdur”, – Sevastopol rəhbəri yazıb. O, həmçinin 24 qurban haqqında məlumat verib, onlardan dördünün vəziyyəti orta ağırdır.
