Boy hormonu olan somatotropin və yuxu hormonu olan melatonin daha aktiv axşam saat 22:00-dan gecə saat 2-yə qədər ifraz olunur.Ona görə də çalışın bu saatlarda uşaqlarınız mütləq yuxuda olsunlar.
Tribunainfo.az xəbər verir ki, bu barədə danışan pediatr Nigar Süleymanovanın sözlərinə görə, uşaqlarda boyun normal inkişafı üçün bu mütləqdir:
“Çalışın uşaqlarınızı həm də aktiv həyat tərzinə və düzgün qidalanma rejiminə öyrədin.Əgər belə uşaqlarda vitamin D əskikliyi varsa normasına salmaq lazımdır. Endokrin xəstəlikləri varsa endokrinoloq nəzarətində olmalıdır. Unutmayın ki, boy inkişafı həm də genetik xarakter daşıyır”
