“Bir yaşlı uşağa şirin çay vermək olmaz. Bu, uşaqların qida rasionunu pozur”.
Tribunainfo.az xəbər verir ki, bu sözləri Səhiyyə Nazirliyinin mütəxəssis-eksperti Azad Əkbərzadə Nazirliyin rəsmi “Instagram” səhifəsində canlı yayımda uşaqlardakı artıq çəki ilə bağlı problemlərdən danışarkən deyib.
“Altı aydan sonra qida əlavələri və həkim mütəxəssislər tərəfindən buna müvafiq məsləhətlər görülür. Amma ailələr internetdən götürdükləri qida rasionlarını uşaqlarına tətbiq edirlər. Bu, heç də düzgün deyil. Uşaqlar hər hansı başqa xəstəlik yoxdursa, bu qida rasionunun müvafiq cədvəlləri həkimlər tərəfindən hazırlanmalıdır.
Qida məhsulları və miqdarı həkimlə məsləhət edilməlidir”.
