Bu gün Ryazan şəhərində Ukrayna pilotsuz uçuş aparatlarının (PUA) hücumları nəticəsində ciddi hadisələr baş verib.
Tribunainfo.az xəbər verir ki, yerli mənbələrin verdiyi məlumata görə, azı 10 partlayış qeydə alınıb. Partlayışların dəqiq səbəbləri və məkanları hələlik açıqlanmasa da, bölgədə ciddi narahatlıq hökm sürür.
Hadisə yerində təcili xidmətlər işləyir və mümkün dağıntılar araşdırılır. Hələlik xəsarət alanlar və ya insan itkisi ilə bağlı rəsmi məlumat verilməyib. Şəhər sakinləri arasında təşviş olduğu bildirilir.
Ryazan vilayətinin rəhbərliyi və digər rəsmi qurumlar hadisə ilə bağlı araşdırmaların davam etdiyini və yaxın zamanda ictimaiyyətə əlavə məlumat veriləcəyini bəyan ediblər.
Hadisə Ukrayna və Rusiya arasında davam edən gərginlik fonunda baş verir. Bu tip hücumlar bölgədəki vəziyyəti daha da ağırlaşdırır və münaqişənin dərinləşməsinə gətirib çıxarır.
