Ötən gecə Ukrayna Rusiyanın Volqoqrad vilayətində Lukoyl şirkətinə məxsus qaz emalı zavoduna zərbə endirib.
Tribunainfo.az xəbər verir ki, vilayət qubernatoru Andrey Boçarov Volqoqrad vilayətinin Kotovski rayonunda Ukraynaya məxsus pilotsuz təyyarələrin kütləvi hücumunun yanacaq-energetika obyektlərində yanğınla nəticələndiyini elan edib. O, Telegram kanalında yanğın olan müəssisənin adını çəkməyib: “Yanacaq-energetika obyektlərində də yanğınlar baş verib. Yanğınsöndürənlər yanğını söndürmək üçün tez bir zamanda hadisə yerinə gəliblər”.
Boçarov əlavə edib ki, hücum nəticəsində qazanxana da zərər çəkib.
Qeyd edək ki, zavod Rusiya cənub federal dairəsində ən böyük qaz emalçısıdır.
