Yeni ukraynalı sursatın 3D printerdə hazırlandığı ehtimal olunur.
Nümayiş etdirilən kadrlar zamanı Ukraynanın ən son silah sərgisində naməlum, kiçik ölçülü aviasiya bombası diqqət çəkib.
Tribunainfo.az xəbər verir ki, hərbi-texniki portal Defense Express-in mütəxəssisləri bildiriblər ki, bu yeni ukraynalı sursat xarici görünüşcə Türkiyənin Roketsan şirkətinin hazırladığı MAM-L kiçik ölçülü aviasiya bombasına çox oxşayır. Bu sursat uzun müddətdir ki, Bayraktar TB2 pilotsuz uçuş aparatlarında istifadə olunur.
Yeni bombanın stabilizator və idarəetmə səthlərinin quruluşu demək olar ki, eynidir. Lakin Ukrayna istehsalı olan nümunədə üst hissədə pilona bərkidilmə üçün xüsusi çıxıntı var. Oxşar element MAM-L-də də müşahidə olunur. Bununla yanaşı, bombanın arxa hissəsində Türkiyə modelində olmayan əlavə blok yerləşdirilib.
Mütəxəssislər qeyd edirlər ki, stabilizatorların və gövdənin teksturası sursatın 3D printerdə hazırlandığını göstərir. Hazırda yeni aviasiya bombasının dəqiq texniki göstəriciləri açıqlanmayıb.
Digər yeni silahlar
Qeyd edək ki, yaxınlarda Ukraynada ilk dəfə olaraq “Uzun Neptun” raketi təqdim olunub. O, 1000 km-ə qədər məsafədə hədəfləri vura bilir. Yeni raketin uzunluğu (sürətləndiricisiz) 6 metrdən çoxdur ki, bu da bazadakı “Neptun” versiyasından 1,5 metr böyükdür.
Daha öncə isə Ukrayna “Flamingo” adlı raketini nümayiş etdirmişdi. O, 3000 km-ə qədər məsafədə hədəfləri məhv etmək gücünə malikdir. Raket sabit düz qanada, gövdənin üstündə yerləşdirilmiş mühərrikə sahibdir. Döyüş başlığının çəkisi isə 1000 kq-dan çoxdur.
