Türkiyənin yerli ayaqqabı markası “Hangar”ın qurucusu Alpaslan Selçuk şirkətin yüksəlişini, iflas prosesini və üzləşdiyi iddia edilən əməliyyatları təfərrüatı ilə izah edib: “Bir türk markasını dünyaya çıxarmaq istədim, amma həm sistemin, həm də səhv addımlarının qurbanı olduq”, – deyib.
Tribunainfo.az “Sözcü” qəzetinə istinadən xəbər verir ki, 2004-cü ildə qurulan “Hangar Ayaqqabı” qısa müddətdə bütün Türkiyəyə yayılaraq sərfəli, lakin keyfiyyətli ayaqqabılar satıb.
Səlcuq xərcləri azaltmaq, qiymətləri yarıya endirmək üçün xammalı toplu olaraq alırdı. İstehsalçıları bir dam altında birləşdirərək, o, gündəlik 30.000 cütdən çox istehsal gücünə nail olub. Ayaqqabıların çəkiyə görə satışı kimi qeyri-adi kampaniyalarla brend əhəmiyyətli səs-küy yaradıb və 500-ə yaxın dilerlərə çatıb.
Kadir Kurunun YouTube kanalında danışan Səlcuq Çinin bazar üstünlüyünə meydan oxumaq üçün ucuz yerli istehsal modeli hazırlayıb. O, Avropada, xüsusilə Almaniyada mağazalar açmağı və 18 ölkəyə ixracı genişləndirməyi planlaşdırırdı. Lakin qiymət, çatdırılma və yığım problemləri onun Almaniya bazarına daxil olmaqda məqsədlərinə çatmasına mane olub. İraq, Şimali Makedoniya, Qazaxıstan kimi ölkələrdə “Hanqar” lövhəsi olan mağazalar açılsa da, bəzi bazarlarda “bu qədər ucuz ayaqqabı ancaq Çində istehsal oluna bilər” anlayışı belə əngəl törədib.
Səlcuqun ən iddialı layihəsi Çorumda gündə 500.000 cüt ayaqqabı istehsal edəcək nəhəng “Ayaqqabı kəndi” idi. Layihə 40 min nəfəri işlə təmin etmək və illik 1 milyard dollarlıq ixracat əldə etmək məqsədi daşıyırdı. Lakin banklar kredit götürəndə layihədən imtina edilib. Səlcuq bu təşəbbüsün arxasında FETÖ-nün olduğunu və ona qarşı sistemli “əməliyyat” aparıldığını iddia edib.
Dəniz Pənahova
