Tovuz sakinini it dişləyib.
Tovuz sakinini it dişləyib.
ARB 24 xəbər verir ki, hadisə şəhərin H.Əliyev prospektində baş verib.
5 yaşlı Yusif İsgəndərli bağçaya gedərkən sahibsiz itin hücumuna məruz qalıb. Ayaq nahiyəsindən xəsarətlər alan azyaşlı dərhal xəstəxanaya yerləşdirilib.
Bundan dərhal sonra dördayaqlı daha bir sakinə hücum edib. Bina sakinləri iddia edir ki, gecə-gündüz sahibsiz itlərə görə həyətə düşə bilmirlər. Çağrılmamış qonaqlar xüsusi ilə azyaşlılara hücum edir.
Maya Hacıyeva – Sakin: “Səhər-səhər nəvəmi bağçaya aparmaq istəyirdim. Pilləkəndən düşməyini uşağa peşman edib. Üstünə cumub, ayağından dişləyib. Uşağım da xəstə uşaqdı. Nə etməliyəm. Uşağıma bir şey olarsa, cavab verə biləcəklərmi? Başqa iynə vura bilmirlər. “Hepatit B”-si var uşağın”.
Bayramlı kəndində isə Qönçə Əhmədovanı it dişləyib. Zərərçəkən dərhal yaxınlarının köməyi ilə xəstəxanaya çatdırılıb.
Son zamanlar Tovuzda sahibsiz itlərin insanlara hücum etməsi faktı çoxalıb. Sakinlər aidiyyatı qurumların dərhal müfaviq addımlar atmasını istəyirlər.
