“Ermənistanın tələblərindən biri Azərbaycanla sazişin yekun mətninə daxil edilməyib. Ermənistan beynəlxalq mübahisələrin həlli mexanizminin daxil edilməsini tələb edib. Lakin bu məqam sənədin yekun mətninə daxil edilməyib”.
Tribunainfo.az xəbər verir ki, bunu Karnegi Fondunun eksperti Tomas de Vaal deyib.
Onun sözlərinə görə, sülh müqaviləsinin imzalanmasına “əsas maneə” Azərbaycanın irəli sürdüyü ilkin şərtdir: “Ermənistan ilk növbədə öz Konstitusiyasını dəyişməlidir. Bu ilkin şərt o deməkdir ki, bu il sülh müqaviləsi imzalanmayacaq. 2026-cı ilin ortalarına qədər baş tutması çətin olan konstitusiyaya dəyişiklik etmək üçün referendum lazımdır və onun nəticəsini proqnozlaşdırmaq mümkün deyil”.
De Valla həmçinin razılaşmanın təminatçısı məsələsinə də toxunub. “Bu sənədin beynəlxalq təminatçısı varmı? Tərəflərdən biri müqaviləni pozarsa, bundan sonra nə baş verəcək? Məsələ BMT-yə veriləcəkmi? BMT Təhlükəsizlik Şurasının bütün bunları əks etdirən qətnaməsi varmı?”.
Fərda Uğur
