Yol-nəqliyyat hadisəsi Zığ şossesində baş verib. Mənim avtomobilimin güzgüsü piyadaya dəyib. Daha sonra piyadanın üstündən yük maşını keçib. Yəni piyada Uğur Vəliyevin ölümünə mən səbəb olmamışam.
Yol-nəqliyyat hadisəsi Zığ şossesində baş verib. Mənim avtomobilimin güzgüsü piyadaya dəyib. Daha sonra piyadanın üstündən yük maşını keçib. Yəni piyada Uğur Vəliyevin ölümünə mən səbəb olmamışam.
Bunu Report-a açıqlamasında Azərbaycanın keçmiş xarici işlər naziri Tofiq Zülfüqarov deyib.
O bildirib ki, piyada Zığ şossesində sürət həddi yuxarı yolda keçid olmayan yerdən, avtobusun önündən anidən maşınların hərəkət yoluna çıxıb:
“Mənim qəzada iştirakım çox nisbi olub. O, mənim maşınımın yan güzgüsünə yüngül dəyib. Mən Xətai Rayon Polis İdarəsində aparılan istintaqda şahid qismində ifadə vermişəm. Texniki ekspertiza aparılır. Müşahidə kameralarında olan görüntülərə baxılıb və tam şəkildə sübut edilib ki, qəzada mən heç bir qanun pozuntusuna yol verməmişəm. Hətta maşının sürəti nəzərdə tutulan həddən aşağı olub”.
Qeyd edək ki, Bakı şəhəri, Xətai rayonunda ölümlə nəticələnən yol-nəqliyyat hadisəsi baş verib. “Report”un əldə etdiyi xəbərə görə, piyada Uğur Vəliyev naməlum avtomobilin sürücüsü tərəfindən vurulub və o, hadisə yerində ölüb. Hüquq-mühafizə orqanlarının araşdırması nəticəsində piyadanın əvvəlcə Azərbaycanın keçmiş xarici işlər naziri Tofiq Zülfüqarovun idarə etdiyi “Mercedes” markalı avtomobilin yan güzgüsü ilə vurulduğu, daha sonra piyadanın üstündən Rasim Əskərovun idarə etdiyi “Ford” markalı yük maşınının keçdiyi məlum olub.
