Tesla nümayəndələri Amerika şirkətinin zavodunu qura biləcəyi yer axtarmaq üçün bu ay Hindistana səfər edəcəklər.
Tribunainfo.az Financial Times-a istinadən xəbər verir ki, Teslanın Hindistan zavodu üçün ən çox üstünlük verilən ştatlar arasında Maharaştra, Qucarat və Tamil Nadu var, burada digər şirkətlərin artıq avtomobil zavodları və müvafiq infrastrukturu var. Yeni zavoda investisiyalar 2 milyard dollardan 3 milyard dollara qədər ola bilər.
Teslanın Hindistandakı planları ölkə hakimiyyətinin elektromobil istehsalçıları üçün ölkənin investisiya cəlbediciliyini artırmaq planını qəbul etdikdən sonra məlum olub. Ötən ay hökumət yerli istehsala ən azı 500 milyon dollar sərmayə qoyan elektrik avtomobil istehsalçıları üçün idxal tariflərini azaldıb.
