Tanınmış jurnalist Ağanisə Sultanovanın ailəsinin evində oğurluq hadisəsi baş verib.
Milli.Az xəbər verir ki, hadisə yanvarın 30-da axşam saatlarında olub.
Evdən jurnalistə məxsus pul və qızıl əşyaları oğurlanıb. Bu barədə A.Sultanova Feysbuk hesabında bildirib.
“Bu gün saat 8-ə işləyəndə evə gəldim. Qapının tutacağı, qıfılı sındırılmışdı. Amma bağlı idi. Poilslər gələndən sonra qapı açıldı. Evin altı üstünə çevrilmişdi. Divar, dolabın üstü qan idi. Qızıl, zinət əşyası taxmağı sevmədiyim üçün hər şey siyirmədə idi.
Qeyd edək ki, uzun müddət “Xalq” qəzetində çalışan Ağanisə Sultanova AzTV-nin İctimai-Siyasi Proqramlar Baş Redaksiyasının əməkdaşı kimi də fəaliyyət göstərib. Ona 2013-cü ildə prezident İlham Əliyev tərəfindən jurnalistlərin binasından ev verilib.
