Sürücüləri “Maxim” taksi şirkətindən narazılıq edirlər. Bu barədə Tribunainfo.az-a danışan bir qrup sürücünün sözlərinə görə, “21 11”, yəni “Maxim” taksi firması yalnız özünü və müştəriləri düşünür. Onlar şirkətin qoyduğu tariflərin həddən ucuz olduğunu, buradan ən çox elə şirkətin qazanc götürdüyünü söyləyirlər. “Misal üçün Qaraçuxurdan “20 Yanvar” metrosu yaxınlığına 4, 4,50, maksimum 5 manat yazır. Bu qiymətə kim razılaşar? Yolun uzunluğu, tıxacı, yanacaq xərci, eləcə də şirkətin öz faizini çıxmasını nəzərə alsaq, taksi şoferi müştərini çox ucuz məbləğə aparmış olur. Üstəlik, telefon konturu da bizdən gedir. Müştəriyə mesajla nə maşının, nə sürücünün telefon nömrəsi göndərilir. Şirkət ancaq özünə işləməkdədir. Hətta tıxac vaxtı da qiyməti qaldırmırlar. Xeyli sayda sürücü bu şirkətlə əməkdaşlıqdan imtina edib”.
Tribunainfo.az
