Son günlər dünyada süni ətlə bağlı müzakirələr artıb.
Tribunainfo.az Milliyet-ə istinadən xəbər verir ki, mütəxəssislər kilosu 120 dollara satılan süni ətin faydaları və zərərləri barədə açıqlama verib.
Mütəxəssislərin sözlərinə görə, Əzələ kök hüceyrələri heyvandan biopsiya ilə götürülür. Seçilmiş hüceyrələr laboratoriyada çoxaldılır və arzu olunan xüsusiyyətlərlə təmin edilir. Hüceyrələr müəyyən bir nöqtəyə çatdıqda, bioreaktorlarda diferensiallaşma prosesinə daxil olurlar. Hüceyrələrin müəyyən növ toxumalara çevrilməsi təmin edilir. Məsələn, əzələ hüceyrələri differensiallaşaraq ətin əsas komponenti olan əzələ toxumasını əmələ gətirir. Daha sonra bu diferensiallaşmış hüceyrələr bir araya gətirilərək 3 ölçülü bir quruluş meydana gətirir və beləliklə ətin lifli teksturası əldə edilir. Nəhayət, yetişmiş süni ət emal edilərək istehlaka hazır vəziyyətə gətirilir.
Qida mühəndisləri bildirir ki, istifadə edilən kimyəvi maddələr və ya böyümə faktorları insan sağlamlığına təsir edə bilər.
