Sumqayıtda su hidrantı partladı.
Xeberle.com-un məlumatına görə, şəhərin Sülh küçəsində yol kənarında su şəbəkəsinə qoşulmuş hidrotexniki vasitə olan su hidrantı partlayıb.
Əraziyə cəlb olunmuş FHN əməkdaşları qəzanın fəsadlarının qarşısını almağa müvəffəq olublar. Yüksək təzyiqli su küçə boyu axıb piyadaların və avtomobillərin gediş-gəlişinə mane olub. Nəticədə küçə və avtomobil yollarını su basıb.
Yollarda kanalizasiya dəliklərinin olmaması isə mövcud problem bir az da qəlizləşdirib.
