Almaniya kansleri Olaf Şolz danışıqlar aparmaq üçün Ukraynanın paytaxtı Kiyevə gəlib.
Tribunainfo.az xarici mediaya istinadən xəbər verir ki, Scholz bu barədə sosial media hesabında Kiyevdən foto paylaşaraq bildirib.
Scholz paylaşımında, “Ukrayna bizə etibar edə bilər. Biz nə edəcəyimizi deyirik və dediyimizi edirik. Bunu bir daha aydınlaşdırmaq üçün bu axşam Kiyevə yola düşdüm. 1000 gündən artıqdır ki, Rusiya işğalından özünü müdafiə edən bir ölkəyə qatarla keçdim”.
Almaniyanın Ukraynanın Avropada ən güclü dəstəkçisi olmağa davam edəcəyini vurğulayan Scholz, Ukrayna prezidenti Vladimir Zelenski ilə görüşündə dekabr ayında 650 milyon avro dəyərində yeni müdafiə avadanlığının tədarükünü açıqlayacağını bildirib.
