Amerikalı professor Aleks Valleşteyn Rusiyanın Böyük Britaniyaya mümkün nüvə zərbəsinin nəticələrini əks etdirən xəritəni təqdim edib.
Tribunainfo.az xəbər verir ki, “Daily Express” qəzetində yayımlanan xəritə Rusiyanın “Topol” (SS-25) ballistik raketinin 800 kilotonluq gücü ilə təhlil edilərək hazırlanıb.
Hesablamalara görə, belə bir zərbə katastrofik nəticələrə səbəb olacaq:
Zərbənin episentri (2,97 km²) – Vestminster bölgəsi, Müqəddəs Ceyms Sarayı və London Eye fırlanan çarxı tamamilə məhv olmacaq.
Güclü təsir zonası (134 km²) – binalar dağılacaq, kütləvi yanğınlar olacaq.
Termik təsir zonası (384 km²) – bu ərazilərin sakinləri üçüncü dərəcəli yanıqlara məruz qala bilər, bəzi hallarda amputasiya tələb olunacaq.
Uzaq bölgələr – zərbə dalğası pəncərə şüşələrini sındıracaq və təsir zonasında olan insanları yaralayacaq.
Mütəxəssislər bildirirlər ki, partlayışın hündürlüyündən və hava şəraitindən asılı olaraq faktiki zərər daha da dağıdıcı ola bilər.
