Şimali Koreya əsgərləri ağır itkilərdən sonra müvəqqəti olaraq cəbhə xəttindən geri çəkiliblər.
Tribunainfo.az xəbər verir ki, bu barədə “Sky News” nəşri Ukrayna kəşfiyyatına istinadla məlumat yayıb.
Məlumata görə, onlar əsir düşməkdənsə, özlərini partlatmağı üstün tuturlar. Kəşfiyyatçılar bir neçə dəfə koreyalı əsgərlərin özlərini partlatmazdan əvvəl “hər şey general Kim Çen In üçün” sözlərini dilə gətirdiklərinin şahidi olublar. Bunu əsir düşən koreyalılar da təsdiq edib.
Qeyd olunur ki, ümumiyyətlə, koreyalılar müasir müharibə üslubundan xəbərsizdirlər. Onlar PUA və artilleriya təhlükəsini düzgün qiymətləndirmir, ərazilərin minalı olub olmamasını yoxlamadan irəliləyir və nəticədə çox asanlıqla böyük itkilər verirlər. Bildirilir ki, hətta hücuma keçən 20-40-60 nəfərlik qrup bəzən qısa müddətə asanlıqla məhv edilir.
