Kim Çen In bunu Quama qarşı olan əməliyyatların başlanğıcı adlandırıb.
TİA.AZ A24.az-a istinadən xəbər verir ki, Yaponiya torpaqları üzərindən ballistik raket ataraq dünya ölkələrinin narazılığına səbəb olan Şimali Koreya lideri Kim Çen In bunu Quama qarşı olan əməliyyatların başlanğıcı adlandırıb.
O, “Şimali Koreya ordusunun Sakit okeandaki əməliyyatının ilk addımı Quama istiqamətlənən planlarımıza mənalı bir başlanğıcdır” deyib.
Şimali Koreya xəbər ajansı da Şimali Koreyanın bu addımının keçən həftə ABŞ və Cənubi Koreyanın birgə keçirdiyi tədbiqata cavab olduğunu bildirmişdi.
Qeyd edək ki, Quam Sakit okeanda yerləşən muxtar statuslu və ABŞ-ın federal torpağı sayılan adadır. Adada ABŞ-ın böyük hərbi bazası var.
