Sabunçu Rayon Məhkəməsində qəsdən sağlamlığa yüngül zərər vurmada təqsirləndirilən Amil Məlikovun (şərti) cinayət işi üzrə məhkəmə istintaqı yekunlaşıb.
Pravda.az-ın əldə etdiyi məlumata görə, hakim Elnurə Rəcəbovanın sədrliyi ilə keçirilən prosesdə hökm oxunub.
Məhkəmənin hökmü ilə ona 6 ay müddətə azadlığın məhdudlaşdırılması (elektron qolbaq) cəzası təyin edilib.
İttihama görə, hadisə 02 yanvar 2025-ci il tarixdə saat 21:00-da Sabunçu rayonu ərazisində qeydə alınıb.
Belə ki, Amil Məlikov evdə olarkən ailə münasibətlərinin pozulması zəminində həyat yoldaşı, zərərçəkmiş Günay Məlikova (şərti) mübahisə edib. Bu zaman o, qəsdən qadının bədəninin müxtəlif yerlərinə əli ilə vuraraq ona xəsarət yetirib.
Hadisədən sonra Amil Məlikov saxlanılaraq cinayət məsuliyyətinə cəlb edilib. O, məhkəmədə verdiyi ifadəsində bildirib ki, bir neçə il əvvəl başqa xanımla qeyri-rəsmi münasibətdə olub. Bu barədə də həyat yoldaşı məluma tutub. Hadisə günü isə Günay həmin qadınla Bakıxanov qəsəbəsində fəaliyyət göstərən ticarət mərkəzi yaxılığında təsadüfi olaraq görüşüb. Görüş zamanı onların aralarında sözlü mübahisə yaranıb, eləcə də arvadı sevgilisinin ünvanına nalayiq ifadələr işlədib. Həmin vaxt Amil əsəbiləşib və Günayla mübahisə edib. Nəticədə arvadını vurub.
