Son həftələr “BakuBus” avtobuslarında sərnişinlər tərəfindən salonun çirkləndirilməsi, məişət tullantılarının, ərzaq qalıqlarının, şəxsi lazımsız əşylarının atılması halları, eyni zamanda etik normalara uyğun olmayan davranışlar müşahidə olunmaqdadır.
Son həftələr “BakuBus” avtobuslarında sərnişinlər tərəfindən salonun çirkləndirilməsi, məişət tullantılarının, ərzaq qalıqlarının, şəxsi lazımsız əşylarının atılması halları, eyni zamanda etik normalara uyğun olmayan davranışlar müşahidə olunmaqdadır.
“Bakubus” MMC -nin Mətbuat və İctimaiyyətlə əlaqələr şöbəsinin müdiri Mənsur Piriyev TİA.AZ-a bildirdi ki, bütün bu hadisələr mütəmadi olaraq, kameralarla izlənilir və daha ciddi zərərlər yetirilərsə, araşdırmalar aparacağıq: “ “Bakubus” avtobusları gecə boyu xüsusi komanda tərəfindən mərhələli şəkildə təmizlənir və səhər xətdə təmiz halda buraxılır. Bütün bu neqativ hallar avtobus gecə qayıdanda müşahidə olunur. Əgər gecə boyu hər hansı avtobusda kiçicik də olsa zədə və ya salonda çirk varsa, həmin avtobus xətdə çıxarılmır, onun yerinə digər avtobus çıxarılır. Həmin avtobus bir daha təmizlənir, qalıcı xəsarətlər mütəxəssislər tərəfindən aradan qaldırılır. Bununla yanaşı, həmin sərnişinlərlə bağlı araşdırma aparırıq. Artıq siyahı tərtib olunur və lazım gələrsə daha ciddi ziyan vurmuş sərnişinlər aşkar olunaraq, rəsmi şəkildə hüquq mühafizə orqanlarına, eyni zamanda aidiyyatı qurumlara müraciətlər göndəriləcək”.
Cəza və cəriməyə gəldikdə isə M. Piriyev vurğuladı ki, “Bakubus” daşıyıcı şirkətdir və belə bir səlahiyyətlərə malik deyildir: “Biz bununla bağlı aidiyyatı qurumlara rəsmi şəkildə müraciətlər göndərəcəyik. Onlar bu işin hansı şəkildə aparılmasını müəyyən edəcəklər”.
Gənc sərnişin peşman oldu
“BakuBus” MMC-nin avtobuslarının salonunda etik və təhlükəsizlik qaydalarına uyğun olmayan hərəkətlərə yol verən sərnişinlər haqda məlumatlar və fotolar internetdə yer alandan sonra həmin sərnişinlərdən biri Mirhəsən Rafiqoğlu “BakuBus”a gələrək şirkət rəhbərliyinə yazılı müraciət ünvanlayıb və səmimi peşmanlıq hissi keçirdiyini bildirib:“Yaxın günlərdə gördüyünüz kimi, biz mütəmadi şəkildə bu kimi sərnişinlərimizi ictimaiyyətləşdirdik. Çox gözəl nümunə oldu. Keçən həftə bu formada ictimaiyyətləşdirdiyimiz sərnişinimiz səhvini başa düşdü və “Bakubus”a gəlib üzr istədi. Bu, çox müsbət bir haldır və yaxşıya doğru əldə edilmiş nailiyyətdir. Burda mətbuatın da, medianın da xüsusi rolu və köməyi var.Hesab edirəm ki, bu sahədə cəzalar və digər cərimələrlərdən başqa, burda ictimai nəzarət böyük əhəmiyyət daşıyır. Ona görə də yaxşı olardı ki, bu kimi hallarla mətbuat orqanları, sərnişinlər, vətəndaşlar hamısı yaxından iştirak etsinlər. Eyni zamanda bu hadisə ictimai qınağın hədəfinə çevrilsin və tədricən bu kimi hallar aradan qaldırılsın.
Gənc sərnişin Mirhəsən Rafioğlunu təlim mərkəzinə dəvət etdik. Ona təlim mərkəzinin müəllimləri tərəfindən avtobusun təhlükəsizlik qaydaları, sərnişinlər avtobuslarla necə rəftar etməlidir, avtobusa minmək- düşmək, salonun təmizliyi ilə bağlı məlumatlar video görüntülərlə izah olundu. Sərnişin həqiqətən çox mərifətli, çox tərbiyəli bir oğlandır. O, səmimi peşmançılıq keçirib, bizdən üzr istədi. Bir daha bizə ümid verdi ki, cəmiyyətimizi bu cür sərnişinlərdən qurtara biləcəyik”.
“Bakıbus” ictimaiyyət üçün açıq təşkilatdır və 24 saat fəaliyyət göstərən qaynar xətti var. Sosial şəbəkədə də sərnişənlərlə mütəmadi əlaqədədi: “Hər hansı bir gecikmə olanda sərnişinlər dərhal bizim facebook səhifəmizə yazır və ya qaynar xəttə zəng vururlar. Qaynar xəttə daxil olan zənglər mütəxəssislər tərəfindən qeydə alınıb, araşdırılır. Bizim belə bir imkanımız da var ki, avtobusda baş verənləri onlayn şəkildə izləyə bilirik. Müraciətin hər biri araşdırılır. Bütün gedişmələr hər birisi dərhal araşdırılır, konkret nəticəsi qeyd olunur. Biz “Bakubus”un ofisinə hər ayın sonunda şikayətlərin icra vəziyyətlərini, hansı formada icra olunduğunu göstərmək üçün şikayətçiləri dəvət edirik. Jurnalistlər də bununla bağlı müraciət edə bilərlər”.
6 nömrəli avtobus niyə gecikir?
6 nömrəli avtobusun gecikməsi ilə bağlı Mənsur Piriyev qeyd etdi ki, səhər saatlarında, pik vaxtda yolda yaranmış avtomobillərin sıxlığı ilə bağlı olaraq, intervalda 5 dəqiqəlik gecikmə olmuşdu: “Şəhərin mərkəzində olan bəzi xətlərdə əgər tıxac olursa və yaxud da sıxlıq olursa, hərəkət sürəti aşağı düşürsə, eyni zamanda yolda baş verən hər hansı bir qəza və yaxud da təmir işləri ilə əlaqədar hadisələrin hamısı intervala təsir edir. 6 nömrəli avtobusun gecikməsi yolun bağlı olması, eləcə də tıxacla bağlıdır. Qeyd edim ki, sonradan həmin interval öz qaydasına düşür. Çünki avtobuslarımız vahid interval cədvəli ilə hərəkət edir. Gecikmə olanda 5 dəqiqə vaxt itirirsə, başqa yol boş olanda həmin interval əvvəlki vəziyyətinə qayıdır”.
Sərnişinlər ödənişi gecikdirir
M. Piriyev qaynar xətdə daxil olan intervallarla bağlı gecikmələri araşdıran zaman xüsusən səhər saatlarında, pik vaxtlarda sərnişinlərin avtobusa daxil olduqdan sonra ödəniş kartlarını axtardıqlarını gördüyünü deyir: “Təsəsvür edin ki, avtobusun qarşısında səhər saatlarında, eyni vaxtda avtobusa daxil olmaq istəyən 30 nəfər adam dayanıb. 30 nəfərin 90 %-i cibində və yaxud çantasında kart axtarır. Həm növbə yaranır, həm də hər sərnişinə görə 20-30 saniyə vaxt itirilirsə, avtobus onları gözləməyə məcbur olur. Avtobus intervalla işləsə də, sərnişini qapıda qoyub getmir. Sərniş ona axıra kimi minməlidir. Sərnişinlər ləngimə prosesinə mane olmamalıdır. Sərnişinlər səhər, pik vaxtlarda yaxşı olar ki, kartlarını əllərində hazır saxlasınlar. Eyni zamanda, hər ehtimala qarşı avtobus gözləyərkən dayanacaqda olan ödəniş cihazında və yaxud da post – terminalda həmin kartın balansını yoxlasınlar. Çünki dəfələrlə olur ki, kartın balansında pul olmadığını avtobusa minəndən sonra aşkar edirlər. Avtobusa sumkasını və uşağını qoyub, aşağı düşüb kartına pul yükləyirlər. Bu da təbii ki, intervalda gecikməyə səbəb olur, intervallarda müəyyən maneələr yaradır. Bu sahədə də maarfçilik işləri aparırıq. Ümid edirik ki, sərnişinlər gələcəkdə buna da vərdiş edəcəklər”.
İlahə
