Hazırda şəxsi həyatı ilə gündəmdə olan məşhur müğənni və aktrisa Selena Qomez və sevgilisi Benni Blankonun evlənmək qərarına gəldiyi iddia edilib.
Tribunainfo.az Milliyet-ə istinadən xəbər verir ki, Qomezin sosial media hesabında etdiyi bir hərəkət bu iddiaları gücləndirdi.
Qeyd edək ki, məşhur müğənni və aktrisa Selena Qomez 2010-cu ildə kanadalı həmkarı Castin Biberlə eşq macərasına başlayıb. Yenidən, təkrar-təkrar sevgi münasibəti yaşayan cütlük bir daha bir araya gəlməmək üçün 2018-ci ildə yollarını ayırıb.
Bieber Qomezdən ayrıldıqdan qısa müddət sonra məşhur model Heyli Bolduinlə evləndi. Drew Taggart, Charlie Puth, The Weeknd kimi adlara aşiq olan gözəl müğənni axtardığı xoşbəxtliyi tapa bilməyib.
Ötən dekabr ayında 32 yaşlı Selena Qomez Castin Biberin yaxın dostu və birlikdə işlədiyi məşhur musiqi prodüseri Benni Blanko (36) ilə yeni münasibətə başladığını açıqlamışdı. Bu sevgi ilə bağlı şərhlərə cavab verən Qomez, “O mənim hər şeyimdir. Mənim başıma gələn ən yaxşı şey. Birlikdə olduğum hər kəsdən daha yaxşı. Bu bir faktdır” deyə yazmışdı.
Sevgiləri bütün sürətiylə davam edən cütlüyün evlilik yolunda olduğu iddia edilib. Qomezin TikTok hesabında CMG Weddings & Events adlı toy planlaşdırma şirkətini izləməsi də bu iddiaları gücləndirib.
