Səkilər, köşklərin ətrafı, metro çıxışları sərin qazlı sular üçün nəzərdə tutulan soyuducularla zəbt edilir. Hətta bəzi səkilərdə yanaşı 3-4 soyuduucu qoyulmaqla yolu əhəmiyyətli dərəcədə daraldır.
Tribunainfo.az xəbər verir ki, istilərin düşməsiylə səkiləri “bəzəyən” belə soyuducuların açıq havada, yol ortasına qoyulması halları durmadan artır.
Narazı sakinlər bildirib ki, səkilərə qoyulan soyuducular şəhərin gözəlliyinə xələl gətirir, gediş-gəlişi çətinləşdirir.
Bu hal təkcə kənar yerlərdə deyil Bakının əksər mərkəzi küçələrində yaşanır. Sakinlər tezliklə bu problemin aradan qaldırılmasını istəyir.
